काठमाडौं। काठमाडौंको मुख्य नाका नागढुंगा नजिकै बुधबार बिहान १० बजेदेखि पहिरो झरेपछि राजमार्ग अवरुद्ध भएको छ । ढुंगामाटो र रुखसहित ठुलो पहिरो खसेपछि राजमार्ग अवरुद्ध भएको हो ।
नागढुंगाका प्रहरी निरीक्षक हेम थपलियाका अनुसार सडकमाथिबाट ढुंगा खस्ने क्रम रोकिएको छैन । ढुंगा खसिरहेकोले काठमाडौँ–नागढुंगा सडक दुईतर्फी बन्द गरिएको उनले बताए । पहिरो पन्छ्याउन २ तर्फी डोजर तयार रहे पनि पहिरो खसी रहेकाले काम भने सुरु नभएको उनले बताए । उनले ढुंगा खस्ने क्रम रोकिएपछि मात्रै पहिरो पन्छाउने काम सुरु हुने जानकारी दिए ।
