काठमाडौं। घरेलु टोली नेपालले साफ महिला च्याम्पियनसिप अन्तर्गत समूह चरणको दोस्रो खेल आज माल्दिभ्सविरुद्ध खेल्दैछ ।
त्रिपुरेश्वरस्थित दशरथ रगंशालामा साँझ ५ः३० बजेदेखि खेल सुरु हुनेछ । च्याम्पियनसिपमा नेपाल पहिलो जितको खोजीमा आज मैदानमा उत्रँदैछ ।
समूह चरणको पहिलो खेलमा भुटानसँग गोलरहित बराबरीमा रोकिएको नेपाललाई सेमिफाइनलमा स्थान बनाउन माल्दिभ्सलाई हराउनै पर्ने दबाब छ । माल्दिभ्स पनि बलियो टोली नेपाललाई रोक्दै अंक जोड्ने प्रयासमा हुनेछ ।
माल्दिभ्स आफ्नो पहिलो खेलमा श्रीलंकासँग १–० गोलअन्तरले पराजित भएको थियो । आजको पहिलो खेलमा समूह ‘बी’ का श्रीलंका र भुटान भिड्नेछन् । खेल दिउँसो साढे १ बजेदेखि सुरु हुनेछ ।
श्रीलंका लगातार दोस्रो जितको खोजीमा मैदान उत्रँन लागेको हो भने भुटान आज पहिलो जितको खोजीमा छ ।
