काठमाडौं। नेपाल सुनचाँदी व्यवसायी महासंघका अनुसार नेपाली बजारमा सुनको मूल्य आज तोलामा १ हजार रुपैयाँले घटेको छ । हिजो प्रतितोला १ लाख ४२ हजार रुपैयाँ पुगेको सुनको मूल्य आज एक हजार रुपैयाँले घटेको हो ।
आज छापावाल सुनको मूल्य तोलामा एक लाख ४१ हजार रुपैयाँ रहेको छ भने तेजावी सुनको मूल्य प्रतितोला एक लाख ४० हजार ३ सय रुपैयाँ रहेको छ । त्यस्तै, आज चाँदीको मूल्य प्रतितोला एक हजार ८३५ रुपैयाँ मूल्य कायम भएको महासंघले जनाएको छ ।
