काठमाडौं । साविक विजेता भारतले साफ यू-२० च्याम्पियनसिप २०२४ मा भुटानमाथि कठिन जित हात पारेको छ ।
एन्फा कम्प्लेक्स सनतदोबाटोमा भएको खेलमा ९ खेलाडीमा रहेको भारतले दश खेलाडीमा रहेको भुटानलाई १-० ले पराजित गरेको हो । भारतका लागि मोनिरुफ मोल्ल ३७ मिनेट गोल गर्दै अग्रता दिलाएका थिए ।
दोस्रो हाफमा भने खेल केही तनावपूर्ण बनेको थियो । जसमा भारतका दुई र भुटानका एक खेलाडीले रातो कार्ड पाए । ६९ मिनेटमा मैदानमा खेलाडीबीच हात हालाहाल भएपछि भारतका प्रमवीर र वानलालपेका गुइटे तथा भुटानका किनले ग्याल्तसेन रातो कार्डको सामना गर्दै मैदान छाडेका थिए ।
