काठमाडौं । जाजरकोटमा पहिरो जाँदा २ जना बेपत्ता भएका छन् । बारेकोट गाउँपालिका ६ मा शनिबार राति २ बजे पहिरोले घर पुरिँदा श्रीमान् श्रीमती बेपत्ता भएका हुन् । पहिरोमा परेर एक बालिका गम्भीर घाइते भएकी छिन् ।
घर पुरिँदा मान बहादुर चलाउने र उन्की श्रीमती वडा नं ६ की महिला वडा सदस्य समेत रहेकी मायादेवी चलाउने पुरिएकी जिल्ला समन्वय समिति जाजरकोटले जनाएको छ । घटनामा घाइते भएकी चलाउनेकी छोरीलाई स्थानीयले उद्दार गरेका छन् ।
घटनास्थलमा सञ्चार सम्पर्क हुन नसक्दा यथार्थ विवरण प्राप्त गर्न समस्या भइरहेको जाजरकोट प्रहरीले जनाएको छ । प्रहरीको टोली घटनास्थलतर्फ गएको बताइएको छ ।
