काठमाडौं। एसिया कप खेलेर नेपाली महिला क्रिकेट टोली बिहीबार दिउँसो स्वदेश फर्किएको छ ।
पहिलो खेलमा यूएईलाई ६ विकेटले पराजित गरेको नेपाल दोस्रो खेलमा पाकिस्तानसँग ९ विकेटले पराजित भएको थियो । त्यस्तै समूह चरणको अन्तिम खेलमा नेपाल भारतसँग ८२ रनले पराजित भयो । नेपालले एसिया कपको इतिहासमै पहिलो विजय हात पारेको हो । सन् २०१२ र २०१६ मा ट्वान्टी–२० संरचनामा भएका दुवै संस्करणको एसिया कपमा नेपालले एउटै खेल जित्न सकेको थिएन र सबै ८ खेलमा पराजित भएको थियो ।
