गाईजात्राको तेस्रो दिन पाशुपत क्षेत्रमा रोपाइँ जात्रा मनाइयो

काठमाडौँ । गाईजात्राको तेस्रो दिन पशुपति क्षेत्रमा रोपाइँ जात्रा मनाइएको छ । प्रत्येक वर्ष भाद्रकृष्ण प्रतिपदादेखि अष्टमीसम्म आठ काठमाडौँ उपत्यकामा भव्यरुपमा गाईजात्रा पर्व मनाउने गरिन्छ । यसको तेस्रो दिन पशुपति क्षेत्रको जयवागेश्वरीमा रोपाइँ जात्रा मनाइएकको हो । जात्रामा स्थानीयवासीको सक्रिय सभागिता रहेको थियो । पछिल्लो समय जात्रामा युवाको पनि उल्लेख्य सहभागिता हुन थालेको छ । पशुपति क्षेत्रका केही जात्रा मनाउने युवाको निष्क्रियताका कारण लोप हुन लागेकामा भाद्रकृष्ण पक्षमा मनाइने रोपाइँ जात्रा एवं खड्गजात्रामा भने युवावर्गको सक्रिय सहभागिता हुन थालेका छ । मौलिक सांस्कृतिक सम्पदा भावी पुस्ताका लागि संरक्षण गरिनुपर्नेमा पनि स्थानीयले जोड दिएका छन् । त्यसका लागि तीनै तहका सरकारले समन्वय गरी काम गर्नुपर्ने स्थानीयवासीको माग रहेको छ । उक्त जात्रामा जयवागेश्वरी सहित विभिन्र ठाँउबाट व्यांग्यातमक शैलीका साथै पहिरनमा मानिसहरू प्रस्तुत हुने गरेका छन्।