काठमाडौं । एअर डाइनेष्टिको हेलिकप्टर बुधबार दिउँसो नुवाकोटको सूर्यचौरमा दुर्घटना हुँदा पाँच जनाको निधन भएको छ ।
काठमाडौंबाट रसुवाको स्याफ्रुबेंसीका लागि उडेको नाइन एन एजेडी हेलिकप्टर दिउँसो नुवाकोटको सूर्यचौरमा खसेको हो ।
काठमाडौंबाट उडेको ३ मिनेटमै हेलिकप्टर खसेको थियो । हेलिकप्टर दुर्घटनामा परी क्याप्टेन अरुण मल्लसहित पाँच जनाको घटनास्थलमै मृत्यु भएको हो ।
अन्य मृतकहरुका चिनियाँ पर्यटकहरु तीन पुरुष र एक महिला रहेका छन् । दुर्घटनालगत्तै नेपाली सेनाको हेलिकप्टर घटनास्थल पुगेको छ भने नुवाकोटतर्फबाट पनि प्रहरी टोली घटनास्थल आईपुगेको छ ।
नुवाकोटको शिवपुरी गाउँपालिका वडा नम्बर ७ का अध्यक्ष वीरबहादुर तामाङले शव बटुल्ने काम भईरहेको जानकारी दिनुभएको छ ।
