काठमाडौं। काठमाडौंको चन्द्रागिरि नगरपालिका –१२ स्थित बलम्बु विद्यालयनजिकै एक घरको आँगनमा फेला परेको शंकास्पद वस्तु नेपाली सेनाको टोलीले डिस्पोज गरेको छ ।
प्रहरी प्रभाग बलम्वुका प्रहरी निरीक्षक उपेन्द्र प्रसाद आचार्यले झोलामा प्रेसर कुकर जस्तो देखिने वस्तु रहेको पाइएपछि नागरिकहरुलाई सुरक्षित स्थानमा राखिएको जानकारी गराएका थिए । आज बिहान तारसहितको प्रेसर कुकर झोलामा घरअगाडि फेला परेको थियो । त्यसमा विस्फोटक पदार्थ भने नरहेको प्रहरीले जनाएको छ ।
